Categorías:
Na mañá do 22 de maio, o Colexio Oficial de Graduados Sociais da Coruña e Ourense subscribiu un convenio de colaboración con Banco Sabadell, co obxectivo de ofrecer aos colexiados, unha ampla gama de produtos e servizos financeiros en condicións preferentes.
O acto de firma tivo lugar na sede colexial e contou coa participación de José Lage Cerviño, presidente do Colexio, e de David Martís Sánchez, director rexional Galicia Norte de Banco Sabadell.
Así mesmo, estiveron presentes Celestino Vietes Sánchez, secretario do Colexio, e por parte da entidade financeira Fernando Vieiro Barreiro, director de Sabadell Professional Galicia, e Cristina Toja, directora da oficina núm. 5187.
Este acordo enmárcase na colaboración entre ambas as entidades a través de Sabadell Professional, a liña especializada do banco orientada a ofrecer servizos financeiros adaptados ás necesidades do colectivo profesional, con condicións vantaxosas e acompañamento personalizado.
Grazas a este convenio, os colexiados poderán acceder a solucións financeiras deseñadas especificamente para a súa actividade profesional, así como a un servizo de asesoramento especializado que facilite a xestión das súas necesidades económicas tanto a nivel privado como profesional.
[slide]
[/slide]