Categorías:
O 22 de maio de 2025 celebrouse en formato en liña a segunda e última sesión do ciclo formativo dedicado ao cálculo de bases reguladoras en incapacidade temporal, centrada na análise de casos complexos e situacións especiais.
A xornada foi inaugurada por José María Santiago García, coordinador de formación do Colexio Oficial de Graduados Sociais da Coruña e Ourense. En representación da mutua participou Belén Estévez Costas, directora de FREMAP na Coruña, quen ademais actuou como moderadora da sesión.
Os encargados do relatorio foron novamente Gorka Burzaco Mota e Noemí López Llavería, xestores e formadores en FREMAP, quen ofreceu un enfoque práctico baseado en casos reais relacionados con contratos a tempo parcial, fixos descontinuos e outras situacións especiais que afectan o cálculo das bases de cotización durante procesos de IT. A través de exemplos concretos, proporcionaron ferramentas útiles e respostas a dúbidas frecuentes na xestión diaria.
Con esta sesión péchase un ciclo que contou con gran participación e serviu de apoio técnico a profesionais do ámbito laboral e da seguridade social.
