Categorías:
O 02 de abril, unha delegación dos Colexios Oficiais de Graduados Sociais de Galicia, reuníronse, coa Consellería de Economía, Emprego e Industria e algúns organismos vinculados.
Durante o encontro, que se realizou por videoconferencia, expuxéronse entre outros temas, a inquietudes e dificultades coas que se están atopando o noso colectivo á hora de traballar cos diferentes organismos neste momento tan convulsivo como consecuencia da crise xerada pola pandemia do COVID-19.
Así mesmo, expúxose a posibilidade de realizar unha videoconferencia con todos os colexiados interesados, quedando á espera de fixar unha data propicia.
Asistiron a esta reunión por parte da administración: D. Francisco Conde López, Conselleiro de Economía, Emprego e Industria; Dª Covadonga Toca Carús, Secretaria Xeral de Emprego e Dª Teresa Bernal Cortegoso, Xefa do Servizo de Intermediación no Servizo Público de Emprego de Galicia (Xunta de Galicia).
En representación dos Colexios de Graduados Sociais, asistiron: D. Manuel Núñez Carreira, Presidente do Colexio Oficial de Graduados Sociais de Lugo, D. Raúl Gómez Villaverde, Presidente do Colexio Oficial de Graduados Sociais de Pontevedra e Dª Susana Soneira Lema, Presidenta do Colexio Oficial de Graduados Sociais da Coruña e Ourense.