Categorías:
Na mañá do 3 de xuño, representantes do Colexio Oficial de Graduados Sociais da Coruña e Ourense desprazáronse á sede da Mutua Umivale na Coruña onde se reuniron cos seus directivos. Encabezados polo Presidente José Lage Cerviño, a nosa delegación incluíu ao Vicepresidente 1º David Doldán Palacios, ao Secretario Celestino Vieites Sánchez e ao Coordinador da Comisión de Formación José María Santiago García.
Neste encontro frutífero, estiveron presentes por parte de Umivale Manuel Páramo Sureda, Director da Zona Galicia e Asturias, e José Luis Sánchez Gogliormella, Director Territorial na Coruña. O obxectivo principal foi fortalecer os vínculos entre ambas as institucións e explorar futuras accións formativas en común.
