Categorías:
Etiquetas:
Na mañá do 14 de setembro, o Director Territorial de Galicia da Inspección de Traballo e Seguridade Social, D. Demetrio Ángel Fernández y López, recibiu a unha representación da Xunta de Goberno do Excmo. Colexio Oficial de Graduados Sociais da Coruña e Ourense, encabezada por Dª Susana Soneira Lema, Presidenta; D. Alejandro Pérez Otero; Vicepresidente 1º e Secretario Xeral; D. José Ramón Lage Cerviño, Vicepresidente 2º e D. Roberto Barros López, Vogal Exercente desta Corporación.
No encontro, os representantes do Colexio deron a coñecer as principais inquietudes dun colectivo que tivo e ten un labor esencial para paliar as graves consecuencias desta crise socio-sanitaria xerada polo Covid-19. Así mesmo, o Director Territorial, agradeceu o traballo realizado polos Graduados Sociais durante estes meses, acordando incrementar a colaboración entre ambos os organismos, e así realizar reunións periódicas para poder dar resposta a todas as incidencias ou consultas que se produzan entre os colexiados, e informar das novidades.