Categorías:
O 2 de maio de 2018, o alcalde de Ferrol D. Jorge Juan Suárez Fernández, recibiu no Concello a unha representación do Colexio Oficial de Graduados Sociais da Coruña e Ourense formada pola Presidenta, Dª Susana Soneira Lema, o Vicesecretario, D. José Ramón Lage Cerviño e o Vogal Exercente-Delegado en Ferrol, D. Roberto Barros López.
O motivo da visita foi a presentación do noso Servizo de Orientación Xurídico-Laboral Gratuíto, que o Colexio vén ofrecendo a aquelas persoas que o precisen como unha orientación inicial para canalizar os problemas laborais, xurídicos-laborais e de Seguridade Social, nos que se ven inmersos.
Esta iniciativa foi do agrado do rexedor municipal, que se comprometeu a colaborar coa nosa corporación trasladando o seu encargo o responsable da área municipal, e así poder ofertar o servizo nun prazo breve de tempo.
