Categorías:
Etiquetas:
O pasado venres, día 5 de novembro, celebrouse no Salón de Actos da Real Academia Galega de Xurisprudencia e Lexislación o solemne acto de apertura do Curso Académico 2021/2022, ao que asistiu, atendendo á invitación cursada para ese efecto, a nosa presidenta, Susana Soneira Lema.
Presidiu o acto, o presidente da RAGJYL, D. José Luis Seoane Spiegelberg, que comezou coa lectura da Memoria Abreviada do curso académico 2020-2021 polo Académico-Secretario Xeral, D. José Mª Botana López, ao que proseguiu a lectura do discurso inaugural “ Algunhas reflexións verbo da protección xurídica da paisaxe", a cargo da Académica de Número e Avogada Xeral do Estado, Consuelo Castro Rey.
