Categorías:
Etiquetas:
Na tarde do venres día 26 de outubro, celebrouse na Fundación Escola de Relacións Laborais da Coruña, a inauguración da III Edición do Máster en Xurisdicción Social, no que colabora o Colexio Oficial de Graduados Sociais.
Este Máster ofrece estudos e práctica de Dereito laboral, orientados á investigación xurídica e á actualización de coñecementos nos ámbitos máis relevantes e innovadores relacionados coa xurisdición social. Neste sentido, diríxese a diferentes categorías de profesionais: graduados en RRLL e RRHH, graduados en Dereito, profesionais que na actualidade están a exercer como Graduados Sociais ou Avogados e, en xeral, aquelas persoas que queiran especializarse en disciplinas relacionadas co mundo xurídico laboral.
Está deseñado de acordo cun itinerario formativo dirixido á adquisición de todo un conxunto de competencias, xerais e específicas, que van permitir ao estudante alcanzar un notable grao de experiencia en todo tipo de actuacións na Xurisdición Social, adquirindo uns coñecementos especializados que lle permitan posuír, comprender e desenvolver as habilidades que se requiren para prestar un servizo profesional de calidade. Para conseguir este obxectivo contamos cun excelente equipo de profesores, con diferentes perfís, pero co común denominador da súa vocación docente e a súa experiencia práctica en diferentes ámbitos (maxistrados/ as, avogados/ as, graduados/ as sociais, funcionarios/ as, etc…).
O acto estivo presentado por D. Jesús Vázquez Forno, Director da ERLAC, Dª Angélica Díaz de la Rosa, Directora do Máster, e D. Felipe Martínez Ramonde, Dª Raquel María Naveiro Santos e Dª Susana Soneira Lema, Coordinadores todos do Master.
[slide]
[/slide]