Categorías:
Etiquetas:
O pasado xoves 28 de xullo, o Foro Económico de Galicia presentou no Reitorado da UDC, o seu anuario de 2022. A edición deste ano, recolle achegas de destacados catedráticos de economía das universidades galegas e outros expertos, ademais dunha entrevista en exclusiva a Nadia Calviño, Vicepresidenta Primeira do Goberno de España e Ministra de Asuntos Económicos e Transformación, na que analiza a situación do país desde a perspectiva económica.
Durante o acto interviñeron: Julio Abalde Alonso, Reitor da Universidade da Coruña (UDC); Diego Calvo Pouso, Vicepresidente segundo da Xunta de Galicia e Conselleiro de Presidencia, Xustiza e Deportes; Imelda Capote, Delegada Especial en Galicia da Axencia Tributaria; Emilio Pérez Nieto, Presidente do Foro Económico de Galicia; Santiago Lago Penas, Director do Foro Económico de Galicia; Fernando González Laxe, Membro do Comité Executivo do Foro Económico de Galicia e catedrático da UDC, e José Luis Gómez, Editor do Anuario 2022.
A este espazo emblemático de análise plural, académico, pero tamén empresarial e xornalístico; asistiu Noelia Tomé Martínez, Interventora/Contadora do Excmo. Colexio Oficial de Graduados Sociais da Coruña e Ourense.
