Categorías:
Etiquetas:
D. Cándido Sanisidro López, Interventor-Contador desta Corporación, asistiu, en representación da mesma, ao acto de firma do convenio contra “O acoso na contorna Laboral” e a presentación da campaña que a desenvolve, que tivo lugar na mañá do 25 de xuño, na Cidade da Cultura Monte Gaiás en Santiago de Compostela.
Este convenio, asinado pola Vicepresidencia da Xunta de Galicia, a Unión de Profesionais de Galicia e a Asociación Galega de Auditores Socio-Laborais (Agaxen), pretende elaborar un protocolo que protexa as mulleres, vítimas de acoso, en empresas de menos de dez traballadores. Un grupo xurídico externo, analizará os indicios e remitiraos a empresa empleadora, co fin de conseguir que exista unha tutela real das vítimas, evitando así que acaben deixando o traballo ou pedindo unha baixa ante a falta de resposta.
A presentación desta importante iniciativa, estivo presidida por D. Alfonso Rueda Valenzuela, Vicepresidente e Conselleiro de Presidencia, Administracións Públicas e Xustiza; D. Antonio Macho Senra, Presidente de Unión Profesional Galicia; D. Martín Bermúdez de la Ponte, Presidente do Colexio Oficial de Administradores de Fincas de Galicia; Dª María Ángeles García Pérez, Presidenta de AGAXEN, Dª Susana López Abella, Secretaria Xeral da Igualdade da Xunta. Así mesmo, e para finalizar o acto, contouse coa intervención de Dª. Ángeles Carmona Vergara, Presidenta do Observatorio contra a Violencia Doméstica e de Xénero do Consello Xeral do Poder Xudicial.
