Categorías:
Etiquetas:
Na mañá do 12 de decembro e convidados pola AEAT, D. José Ramón Lage Cerviño, Vicesecretario do Colexio, asistiu á presentación da campaña de “Declaracións informativas 2018”.
Na reunión celebrada na sala de xuntas da AEAT, os representantes dos colexios de Economistas, Xestores Administrativos, AEDAF e o Colexio de Graduados Sociais; foron informados pola Delegada Especial da AEAT, Dª Imelda Capote Martín, o Delegado Rexional de Informática e a Responsable de Declaracións Informativas, das novidades na tramitación destas declaracións anuais.
A AEAT organizará actos públicos nas súas dependencias durante o próximo mes de xaneiro de 2019, para dar a coñecer a todos os profesionais a campaña de informativas 2018. Con todo na web da AEAT, existe información sobre as novidades máis significativas das Declaracións Informativas 2018.
Independentemente de toda a información facilitada pola Axencia, cabe apuntar que se mantén un ano máis, o prazo de presentación do modelo 347 ata o 28 de febreiro.
