Etiquetas:
O pasado día 10 de abril, celebrouse en Madrid a reunión Plenaria do Consello Xeral de Colexios Oficiais de España, á que, como é habitual, asistiu a nosa Presidenta, Dª. Susana Soneira Lema, para tratar os asuntos mencionados na Orde do Día.
Esa mesma tarde, na Real Academia Española de Xurisprudencia e Lexislación tivo lugar o Acto Solemne de imposición de Condecoracións da Orde de San Raimundo de Peñafort coa presenza do Excelentísimo Sr. D. Rafael Catalá Polo, Ministro de Xustiza.
É un orgullo poder informarvos que un dos galardoados foi o noso compañeiro e ex presidente, D. Germán Prieto-Puga Somoza, ao que lle foi imposta a Cruz Distinguida de Segunda clase da Orde de San Raimundo de Peñafort, que ademais conta coa honra de ser o primeiro colexiado desta Corporación, que conta con esta distinción.
A laudatio foi lida por D. Jesús Vázquez Forno, Director da Escola Universitaria de Relacións Laborais e Recursos Humanos da Coruña.
D. Germán Prieto-Puga Somoza, estivo acompañado da nosa presidenta, ademais dun nutrido grupo de familiares que foron testemuñas do seu emocionado discurso.
[slide]
[/slide]