Categorías:
Na mañá do 21 de maio, Juan Martínez García, vicesecretario do Colexio Oficial de Graduados Sociais da Coruña e Ourense, participou no programa “Neste momento nas Rías” da Cadena Ser, onde abordou a reunión mantida recentemente co conselleiro de Emprego, Comercio e Emigración da Xunta de Galicia, José González Vázquez, para analizar as medidas previstas ante o incremento do absentismo laboral derivado das baixas médicas en Galicia.
Durante a súa intervención, Martínez destacou a necesidade de afrontar esta cuestión “desde o rigor e o detalle”, apostando polo diálogo entre administracións, empresas, traballadores e profesionais do ámbito laboral. Así mesmo, subliñou a importancia de reforzar a atención sanitaria e mellorar os mecanismos de seguimento e xestión das incapacidades temporais.
