Categorías:
Na mañá do 5 de xuño de 2025, e como antesala da celebración da II Xornada Laboralista, o presidente do Colexio Oficial de Graduados Sociais da Coruña, José Lage Cerviño, foi entrevistado no programa “Hoy por Hoy A Coruña” de Radio Coruña Cadea SER, conducido por Marcos Sanluis.
Durante a súa intervención, o presidente abordou os principais eixos temáticos desta segunda edición da xornada, enmarcada na conmemoración do centenario da profesión. Ademais, destacouse a evolución do ámbito laboral, a necesidade de adaptar a formación profesional aos novos marcos normativos, e o papel fundamental dos Graduados Sociais na defensa dos dereitos laborais e na seguridade xurídica de empresas e traballadores.
A entrevista supuxo unha excelente plataforma para visibilizar o labor do Colexio, reforzando a súa proxección institucional e o seu firme compromiso coa mellora continua do exercicio profesional e a conexión coa sociedade.
