Categorías:
Etiquetas:
O venres 20 de setembro, celebrouse a apertura oficial do ano xudicial 2024-2025 na sede do Tribunal Superior de Xustiza de Galicia . José Lage Cerviño, presidente do Colexio Oficial de Graduados Sociais da Coruña e Ourense, participou como convidado.
O acto, presidido por José María Gómez y Díaz-Castroverde, presidente do TSXG, contou coa presenza de autoridades como o conselleiro de Xustiza, Diego Calvo; o delegado do Goberno en Galicia, Pedro Blanco; o xeneral xefe do Mando de Apoio á Manobra, Raimundo Rodríguez; e a alcaldesa da Coruña, Inés Rey.
Durante a súa intervención, Díaz-Castroverde solicitou a creación de órganos especializados en violencia de xénero nas principais cidades galegas, así como medidas preventivas. Ademais, resaltou a importancia de protexer a independencia xudicial e anunciou xornadas de portas abertas no Tribunal para achegar a xustiza á cidadanía.
[slide]
[/slide]