Categorías:
Etiquetas:
O 16 de setembro celebrouse en formato en liña o webinar sobre a “Xestión de traslados internacionais” que tivo como obxectivo explicar os pasos para seguir cando un traballador sofre un accidente laboral ou necesita asistencia médica fora de España.
A xornada foi inaugurada por Noelia Tomé Martínez, Vicepresidenta 2ª do Colexio Oficial de Graduados Sociais da Coruña e Ourense. En representación da mutua contamos coa presenza de Carlos Chairos, Director Rexional de Galicia e con Belén Estévez Costas, directora de FREMAP na Coruña, quen ademais actuou como moderadora da sesión.
A xornada foi impartida por Daniel Álvarez Martínez, Director de FREMAP Santiago Compostela, que ofreceu aos asistentes unha visión práctica e actualizada para axudar a empresas e despachos profesionais a xestionar eficazmente este tipo de situacións.
Esta xornada completarase coa que se celebrará o 8 de outubro sobre o manexo do Sistema Delt@ para a xestión dos partes de accidente de traballo. Será tamén en liña e estará impartida por Enrique Gómez Casares, técnico da Dirección Xeral de Servizos de FREMAP.
