Categorías:
O noso Colexio Profesional celebrou durante os días 22, 24 e 29 de marzo, un “taller práctico de Renda 2020 (nivel avanzado)”, exclusivo para colexiados e empregados de despachos, sobre todas as novidades tributarias do 2021 a cargo de Mª Remedios Vázquez Gil, Graduada Social colexiada e Xestora na Sección de Renda, Unidade de Comprobación e Liquidación.
O acto, presentado pola vicesecretaria do Colexio, Lucia Sanjurjo López, contou coa participación dun centenar de colexiados e entre outros temas falouse da Campaña de Renda 2020 con cambios normativos e técnicos, novidades tributarias na Lei de Orzamentos Xerais do Estado, rendementos do traballo persoal, ganancias e perdas do patrimonio do contribuínte, cambios menores, xurisprudencia e últimas consultas.
