Categorías:
Mediante a firma do convenio de colaboración asinado coa Xunta e Agaxen,póñense en marcha medidas de protección e asistencia especifica para as orfos vítimas directas da violencia de xénero,e intensifícase a asistencia e protección de menores, que contarán con acompañamento e asesoramento na xestión dos trámites administrativos que precisen as fillas e fillos orfos e menores de 30 anos das vítimas mortais da violencia de xénero en Galicia, así como ás persoas que asumen a súa patria potestade, garda, custodia ou acollemento permanente, no caso de menores de 18 anos. Contarán tamén co o apoio socio-educativo, sempre que sexa preciso.
Para profundar un pouco máis nesta materia, o pasado día 22 de abril, celebrouse unha xornada na sede do Colexio; o acto foi presentado por José Mª Santiago Garcia, Coordinador da Escola de Práctica Laboral desta Corporación que tras dirixir unhas breves palabras aos asistentes, deu paso a Dª Mª Ángeles García Pérez, Presidenta de Agaxen, Graduada Social e Licenciada en Dereito e Ciencias do Traballo que respondeu a todas as consultas expostas polos asistentes.
