Categorías:
Durante os días 10 e 11 de maio do 2021, este Colexio Profesional, celebrou unhas xornadas formativas en liña exclusivas para colexiados e empregados de despachos, sobre: “As sucesións sometidas ao dereito Civil propio de Galicia e a súa tributación”, co obxectivo de profundar no estudo e análise con carácter xeral destes impostos cedidos ás comunidades autónomas e en particular, dos detalles propios da nosa rexión.
Ditas xornadas, foron inauguradas pola nosa Presidenta, Susana Soneira Lema, e moderadas por Guillermo Hermida Grandío, Responsable da Escola de Práctica Laboral do Colexio, contando nesta ocasión cos extraordinarios relatorios de: José Manuel Busto Lago, Catedrático de Dereito civil da UDC, Consultor Académico e Socio de Vales e Asociados Avogados e Asesores Tributarios; e José Antonio Madriñán Graña, Socio Director da área Fiscal de Vales e Asociados Avogados e Asesores Tributarios, que responderon todas as dúbidas xurdidas ao longo de senllas exposicións.
Destacar que este Colexio Oficial, seguirá co seu labor formativo coa organización de diferentes webinars sobre materias relevantes para o noso colectivo.
[slide]
[/slide]