Categorías:
Etiquetas:
A Subdirectora Xeral de Emprego, Mª Belen Liste Lázara, presentou hoxe no Colexio de Graduados Sociais da Coruña e Ourense as seis principais liñas coas que a Consellería de Promoción do Emprego e Igualdade está a apoiar o traballo autónomo, as contratacións nas empresas e en entidades da economía social. O acto foi presentado por Guillermo Hermida Grandío, responsable da Escola de Práctica Laboral desta Corporación.
Tras o noso primeiro escrito na que solicitabamos unha reunión para pedir a esa administración pública que, á hora de publicar normativa, principalmente convocatorias de subvencións en concorrencia competitiva, téñanse en conta as necesidades e dereitos do destinatario, facilitando que os prazos de solicitude comecen en horas habituais de traballo, propiciouse unha primeira reunión entre os máximos responsables dos tres colexios de Graduados Sociais, A Coruña e Ourense, Lugo e Pontevedra na que se forxou a proposta de celebración desta Xornada.
Nesa reunión solicitamos que os prazos nos permitan, aos profesionais, realizar unha análise previa da situación de cada un dos nosos clientes, reunir a documentación e pedir as representacións correspondentes.
O fin último das nosas demandas foi facilitar a conciliación familiar e laboral e garantir o dereito á desconexión dixital dos Graduados Sociais e dos traballadores dos nosos despachos.