Categorías:
O cupón da ONCE do próximo 17 de agosto estará dedicado ao Centenario da profesión de Graduado Social, unha iniciativa coa que se recoñece o labor do noso colectivo no ámbito das relacións laborais e a xustiza social.
Esta conmemoración recibiu a atención de medios destacados. O portal 21Noticias publicou o día 7 de agosto unha información detallada na que reflicte non só a homenaxe, senón tamén os desafíos actuais do colectivo, como a dixitalización desordenada e a importancia de preservar o dereito á desconexión dixital (VER NOTICIA). Coincidindo ese mesmo día, EntreNós destaca na súa edición dixital o valor histórico do cupón, sinalando que a elección do 17 de agosto coincide coa data do Real Decreto de 1925 que sentou as bases desta profesión en España (VER NOTICIA).
Ambas as publicacións reforzan a visibilidade desta homenaxe e o papel fundamental que os Graduados Sociais desempeñan na sociedade actual.
