Categorías:
O Colexio Oficial de Graduados Sociais da Coruña e Ourense reclama o dereito destes profesionais para operar na Xustiza Laboral Gratuíta, servizo do que hoxe están excluídos. O colectivo denuncia a contradición de poder representar os cidadáns na Xurisdición Social facturando por iso, pero non a quen ten dereito á xustiza gratuíta.
A memoria do Servizo de Orientación Xurídico-Laboral Gratuíto do noso Colexio apoia a reivindicación: preto de 800 consultas laborais atendidas de forma altruísta en 2025, moitas derivadas en procedementos xudiciais cuxos demandantes non puideron ser representados por estes profesionais a pesar de acollerse á xustiza gratuíta.
O perfil do usuario do servizo coruñés é maioritariamente feminino (67% fronte a 33%), e entre os motivos de consulta destacan as extincións de contrato, cun 29,6%.
Desde 2020, a quenda de oficio perdeu máis de 6.400 avogados (un 14,1%), quedando 38.871 adscritos; de seguir así, en 2030 quedarían menos de 33.000 en toda España. Por iso, o colectivo pide a súa incorporación como saída profesional para os Graduados Sociais, en especial os recentemente titulados.
Esta reclamación tivo repercusión en medios de comunicación autonómicos, que recolleron a demanda dos Graduados Sociais. [21 Noticias]