Categorías:
O presidente do Colexio Oficial de Graduados Sociais da Coruña e Ourense, José Lage Cerviño, asistiu o pasado venres 23 de outubro á celebración do 70.*º aniversario do Colexio Oficial de Graduados Sociais de Madrid, atendendo á invitación da súa presidenta, Teresa Silleras Martínez.
O acto, celebrado no hotel Mandarin Oriental Ritz de Madrid, reuniu a representantes da profesión e do ámbito institucional para conmemorar os 70 anos de traxectoria do Colexio. Entre os asistentes atopábase tamén o presidente do Consello Xeral de Graduados Sociais de España, Joaquín Merchán Bermejo.
A xornada concluíu cunha cea institucional durante a que se entregaron diversas distincións. A Cruz Prol-Xustiza Social recaeu na Consellaría de Presidencia, Xustiza e Administración Local da Comunidad de Madrid, en recoñecemento á súa actuación tras o incendio da Sierra Oeste do pasado verán. Así mesmo, Yolanda Cano recibiu o nomeamento de "Embaixadora da profesión"; Mamás en Acción, a cuarta edición do "Premio Diké", e Juan Suanzes, socio director de CRHEO Recursos Humanos, o "Premio ExpeRHta 2026".
Desde a nosa corporación colexial, agradecemos a invitación e felicitamos ao Colexio de Graduados Sociais de Madrid por este aniversario, trasladándolle os nosos mellores desexos para o futuro.
[slide]
[/slide]