Categorías:
Etiquetas:
Unha representación da Xunta de Goberno do Colexio de Graduados Sociais da Coruña e Ourense reuniuse esta mañá co concelleiro de Emprego e Economía Social, D. Alberto Lema Suárez, para abordar o tema do Servizo de Orientación Xurídico Laboral Gratuíto que o Colexio leva prestando desde hai xa varios anos. Ao acto, que tivo lugar no palacio municipal da Coruña, asistiron a presidenta do colexio, Dª Susana Soneira Lema e o vicesecretario do mesmo, D. Jesús Vázquez Conde.
Un servizo que se puxo en marcha a finais do ano 2015 e que, desde entón, non fixo máis que crecer, consolidándose durante este pasado ano cun alto grao de satisfacción por parte de todos os seus usuarios. O seu obxectivo principal é poñer a disposición daquelas persoas que o demanden un servizo gratuíto de asesoramento en materias laboral, xurídico laboral e de seguridade social. Un servizo creado para satisfacer as necesidades dos cidadáns que carecen dos medios necesarios para poder acceder a calquera outro tipo de asesoramento xurídico.
Para a xestión e o funcionamento do servizo, o colexio contou co apoio de compañeiros titulados graduados sociais, ademais da axuda de todos aqueles voluntarios que colaboran como orientadores de maneira altruísta. O obxectivo é ofrecer unhas directrices básicas para que os usuarios desta prestación obteñan as ferramentas necesarias para poder xestionar as súas cuestións laborais. Durante o encontro tamén se presentaron novas propostas de futuro para seguir expandindo devandito servizo por outros lugares do territorio galego.
