Categorías:
Etiquetas:
Como continuación á charla celebrada na ERLAC, este Colexio celebrou durante a tarde do día 15 de decembro, a segunda das charlas dirixidas ao alumnado das Facultades de Relacións Laborais.
Nesta ocasión, a xornada desenvolveuse na Facultade de Relacións Laborais de Santiago, impartida por Alejandro Pérez Otero, Vicepresidente 1º desta Corporación e, Juan Martínez García, Coordinador da Comisión de Relacións Públicas e Vogal Non Exercente da nosa Xunta de Goberno.
Contamos tamén con Cándido Calo Amigo, profesor de Dereito do Traballo e Seguridade Social e Celestino Vieites, Xerente do Colexio, que interviñeron no debate posterior.
[slide]
</slide>
Estas charlas nacen de acordo á convocatoria do programa de subvencións FOENAA, dirixido a entidades sen ánimo de lucro da provincia da Coruña para a realización de actividades 2021, promovido pola Deputación provincial da Coruña e no que o noso Colexio participou coa organización deste ciclo de charlas informativas nas Facultades de Relacións Laborais da nosa área de influencia baixo o título: “A responsabilidade do Graduado Social para o emprendemento e a Axenda 2030” e co obxectivo de:
- Fomentar a cultura emprendedora dos colexiados e alumnado de relacións laborais e establecer ferramentas para o apoio ao emprendedor da provincia da Coruña,
- Informar sobre a precolegiación e a colexiación, informar sobre as tarefas e responsabilidades do Colexio.
- Informar sobre as saídas laborais da profesión.
- Divulgación dos obxectivos de desenvolvemento sostible e a súa relación co traballo dos Graduados Sociais, en concreto esforzo para alcanzar os ODS 8, 5 e 10; crecemento económico sostible, igualdade de xénero e redución de desigualdades.