Esta mañá celebrouse a II Edición da xornada formativa sobre "A Igualdade, un activo para a Empresa", na Confederación de Empresarios, durante a cal se expuxeron medidas implantadas en distintas empresas, de distintos tamaños e sectores produtivos.
A xornada presidida por Antonio Fontenla, presidente da CEC, contou, entre outras intervencións, con Elena Mancha, Directora Xeral de Relacions Laborais e con Susana Soneira Lema, Presidenta do Colexio Oficial de Graduados Sociais da Coruña e Ourense, que puxo a voz experta en materia de asesoramento, analizando aspectos tales como as necesidades das pequenas e medianas empresas, e asuntos concretos tales como a brecha salarial, a auditoría retributiva, así como ferramentas de axuda dispoñibles.