Categorías:
O pasado venres 22 de setembro, tivo lugar no Hotel Attica 21 desta cidade, a Xornada sobre "A dimensión económica e social do salario. Os novos sistemas retributivos", organizada polo Consello Galego de Relacións Laborais e este Colexio Profesional, á que asistiron numerosos profesionais.
Sería a Presidenta do Consello Galego de Relacións Laborais, Dª Verónica Martínez Barbeiro, a encargada da inauguración da xornada, dando paso á Mesa redonda "A dimensión económica e social do salario. Os novos sistemas retributivos" a cargo da nosa Presidenta, Dª Susana Soneira Lema, e D. Javier Fernández Traveso, Inspector de Traballo e de Seguridade Social da Coruña.
A Presidenta do Colexio, centrou a súa intervención en como foi evolucionando salario ata a actualidade e os distintos tipos de retribucións existentes, destacando:
- A retribución fixa ou por posto
- A retribución fixa individualizada
- A retribución variable
- A retribución en especie
Así mesmo, desenvolveu unha pequena disertación sobre as diferenzas entre o pago en especie e retribución extra salarial.
Finalizadas ambas as intervencións, dáse paso a un breve coloquio, e posteriormente á seguinte Mesa redonda, denominada "A función do salario no Século XXI" e que correu a cargo das Organizacións Sindicais e Empresarial máis representativas de Galicia (UXT-Galicia, CIG, SN de CCOO de Galicia e CEG).
Finalizouse a Xornada coa Conferencia: "A negociación salarial en tempos de post-crises", impartida por D. Adrián Todolí Signes, Profesor axudante Doutor de Dereito do Traballo e da Seguridade Social da Universidade das Illas Baleares.
[slide]
[/slide]