Categorías:
O pasado venres 29 de setembro, tivo lugar na Facultade de Dereito de Ourense, a Xornada sobre "A dimensión económica e social do salario. Os novos sistemas retributivos", organizada en colaboración co Consello Galego de Relacións Laborais.
Presentaron o acto a Presidenta do Consello Galego de Relacións Laborais, Dª Verónica Martínez Barbero, D. Alejandro Pérez Otero, Vicepresidente 1º deste Colexio e Dª Marta Fernández Prieto, Decana da Facultade de Dereito de Ourense dando a benvida aos asistentes.
Inícianse as conferencias, coa Mesa redonda "A dimensión económica e social do salario. Os novos sistemas retributivos" facendo especial referencia aos convenios das empresas multiservicios, a cargo de Dª Isabel Olmos Parés, Maxistrada do Social do Tribunal Superior de Juticia de Galicia e de Dª Genoveva García Bellón, Inspectora de Traballo e de Seguridade Social de Ourense.
Finalizadas ambas as intervencións, dáse paso a un breve coloquio, e posteriormente á seguinte Mesa redonda, denominada "A función do salario no Século XXI" e que correu a cargo das Organizacións Sindicais e Empresarial máis representativas de Galicia (UXT-Galicia, CIG, SN de CCOO de Galicia e CEG).
Xa para finalizar Dª Marisa Peña Cebreiro, dá paso a D. Daniel Pérez do Prado, Profesor Doutor na Área de Dereito do Traballo e da Seguridade Social da Universidade Carlos III de Madrid, que pronunciou a conferencia: "A negociación salarial en tempos de post-crise"
[slide]
[/slide]