Categorías:
O mércores 4 de outubro, tivo lugar no Hotel Attica 21 desta cidade, a Xornada sobre "Claves con perspectiva de xénero para a organización do tempo de traballo", organizada polo Consello Galego de Relacións Laborais en colaboración co noso Colexio Profesional, á que asistiron numerosos profesionais, empregados de despachos e estudantes de Relacións Laborais.
Presentaron o acto a Presidenta do Consello Galego de Relacións Laborais, Dª Verónica Martínez Barbeiro e a nosa Presidenta, Dª Susana Soneira Lema.
Comezou a mañá, coa Mesa redonda "A xornada de traballo no emprego feminino: a contratación a tempor parcial. Xornada irregular", a cargo de Dª Sandra García Lombardía, Inspectora de traballo e da Seguridade Social da Coruña e de D. Marcos Vázquez Díaz, Responsable de RRHH Peixes Rubén.
Finalizadas ambas as intervencións, dáse paso a un breve coloquio, e posteriormente á seguinte Mesa redonda, denominada "A perspectiva de xénero na Xornada de traballo no século XXI", a cargo das Organizacións Sindicais e Empresarial máis representativas de Galicia (UXT-Galicia, CIG, SN de CCOO de Galicia e CEG).
Xa para finalizar Dª María Teresa Velasco Porteiro, Doutora en Dereito, Profesora Titular da Universidade Loiola de Andalucía, pronunciaría a conferencia sobre "Conciliación da vida laboral e familiar e xornadas de traballo".
[slide][/slide]