Categorías:
Na tarde do venres 14 de novembro, a Fundación Escola Universitaria de Relacións Laborais da Coruña acolleu o acto de benvida aos novos alumnos do Máster Práctico en Xurisdición Social, no que colabora o Colexio Oficial de Graduados Sociais da Coruña e Ourense.
Ao acto asistiron o director do máster, Felipe Martínez Ramonde; a coordinadora, Raquel Naveiro Santos; o decano da ERLAC, Jesús Vázquez Forno; e o noso presidente, José Lage Cerviño.
Durante a quenda de intervencións, Felipe Martínez resaltou a importancia do networking entre os alumnos, mentres que Raquel Naveiro subliñou a alta calidade do profesorado. Pola súa banda, José Lage Cerviño dirixiu unhas palabras especiais aos graduados sociais participantes, animándoos a aproveitar ao máximo esta etapa formativa de especialización. Finalmente, o decano, Jesús Vázquez, destacou o papel cada vez máis relevante dos “laboralistas” ante os recentes cambios no ámbito laboral.
A undécima edición do máster reafirma o compromiso das entidades participantes coa formación especializada no ámbito da xurisdición social, ofrecendo aos estudantes un ensino de calidade e orientada á práctica profesional.
[slide]
[/slide]