Categorías:
Na tarde do día 3 de marzo, inaugúrase no Salón de Actos do Colexio de Graduados Sociais da Coruña e Ourense, a VI Edición do Curso de Práctica Xurídica de Actuación Profesional ante os Órganos Xudiciais e Tribunais de Xustiza da Orde Xurisdicional Social (Procedemento Laboral).
Contamos para este mester coa inestimable presenza do Presidente do Tribunal Superior de Xustiza de Galicia, o Excmo. Sr. D. José María Gómez y Díaz-Castroverde, que se dirixiu a todos os asistentes cunhas cariñosas palabras tras a intervención da presidenta do Colexio, Dª Susana Soneira Lema.
A continuación tomou a palabra, a maxistrada do Xulgado do Social nº5 da Coruña, a Ilma Sra. Dª Pilar Carreira Vidal, que expuxo a materia desta primeira xornada que versaba sobre a Conciliación da vida familiar e laboral. Novidades: adaptación e concreción horaria” e a vulneración de dereitos fundamentais no período probatorio.
Como xa é habitual, a xornada tambien foi seguida por streaming por numerosos colexiados interesados na materia.