Categorías:
Durante a tarde do 23 de abril de 2026 celebrouse o acto institucional de inauguración da nova sede do Colexio Oficial de Graduados Sociais de Madrid, situada en C/ José Abascal, 44, un espazo moderno e renovado concibido como punto de encontro e referencia para o colectivo profesional.
O acto estivo presidido por Concepción Rosario Ureste García, presidenta da Sala Cuarta do Tribunal Supremo, e contou coa asistencia de diversas autoridades do ámbito xurídico e profesional.
En representación do Colexio Oficial de Graduados Sociais da Coruña e Ourense asistiu o presidente da corporación, José Lage Cerviño, acompañando aos compañeiros de Madrid neste importante fito institucional e trasladando o apoio do Colexio nesta nova etapa.
Durante a cerimonia, fixo entrega dunha figura conmemorativa en nome da entidade, como mostra de felicitación pola apertura da nova sede e como símbolo dos lazos de colaboración entre ambas as corporacións.
Pola súa banda, Teresa Silleras Martínez, presidenta do Colexio de Graduados Sociais de Madrid, destacou que esta nova sede é a casa de todos os Graduados Sociais, trasladando unha mensaxe de unidade e de futuro compartido para a profesión. Así mesmo, agradeceu a presenza de todos os asistentes nunha xornada tan especial.
[slide]
[/slide]