Categorías:
Etiquetas:
O venres 14 de febreiro, a Fundación Escola de Relacións Laborais da Coruña acolleu o acto de inauguración da novena edición do Máster en Xurisdición Social, un programa formativo no que colabora activamente o Colexio Oficial de Graduados Sociais da Coruña e Ourense.
O evento contou coa participación do director do Máster, Felipe Martínez Ramonde; a coordinadora do título, Raquel Mª Naveira Santos; e o director da ERLAC, Jesús Vázquez Forno. Así mesmo, asistiron representantes dos tres Colexios galegos de Graduados Sociais, entre eles José Lage Cerviño, presidente da nosa corporación.
Esta nova edición do Máster reafirma o compromiso das entidades participantes coa formación especializada no ámbito da xurisdición social, ofrecendo aos estudantes un ensino de calidade e orientada á práctica profesional.
[slide]
[/slide]