Categorías:
Etiquetas:
O pasado día 30 de setembro, celebrouse no Salón de Graos da Facultade de Dereito da Universidade da Coruña, o “II Seminario Hispano-Portugués de Dereito da Seguridade Social”, ao que asistiu en representación desta Corporación, a súa presidenta, Dª Susana Soneira Lema.
Os directores do Seminario foron D. Jesús Martínez Girón e D. Alberto Arufe Varela, ambos os Catedráticos de Dereito do Traballo e Seguridade Social da Universidade da Coruña.
O acto foi inaugurado polo D. José Antonio Seoane Rodríguez, Decano da Facultade de Dereito da Universidade da Coruña e tras a celebración dos distintos relatorios, foi clausurado por D. Jesús Vázquez Forno, Decano da Facultade de Relacións Laborais, centro adscrito da Universidade da Coruña.