Categorías:
Na mañá do 10 de xuño celebrouse a inauguración do novo Centro Integral de Servizos de Ibermutua na Coruña, situado na rúa Galileo Galilei, 4, no polígono industrial da Grela. O acto congregou a destacados representantes institucionais e do ámbito empresarial galego, entre eles José Lage Cerviño, presidente do Colexio Oficial de Graduados Sociais da Coruña e Ourense, quen quixo mostrar o seu respaldo a Ibermutua neste importante avance na mellora dos seus servizos asistenciais e preventivos en Galicia.
A cerimonia foi presidida por Juan Roca Guillamón, presidente de Ibermutua, e por Carlos Javier Santos García, director xeral da entidade. O acto foi clausurado polo presidente da Xunta de Galicia, Alfonso Rueda Valenzuela.
Con estas novas instalacións, Ibermutua reforza o seu compromiso coa saúde laboral e o benestar de traballadores e empresas na comunidade galega.
