Categorías:
O presidente e a Xunta de Gobierno do Colexio Oficial de Graduados Sociais da Coruña e Ourense teñen o pracer de invitarte á III Xornada Xurídica, que se celebrará o próximo 30 de setembro, ás 16.30 horas, na Sala de Conferencias do Pazo de Mariñán (Bergondo – A Coruña).
De carácter gratuíto, esta xornada está dirixida a profesionais do Dereito do Traballo e da Seguridade Social, dos Recursos Humanos e a estudantes do Grao en Relacións Laborais e Recursos Humanos. Contará coa colaboración de distintas administracións públicas e entidades privadas, e reunirá a salientables especialistas para analizar algunhas das cuestións de maior actualidade e interese no ámbito xurídico-laboral.
Nos próximos días remitiremos o programa definitivo, así como toda a información relativa ao procedemento de inscrición.
Ao finalizar a xornada, ofreceremos un cóctel de despedida para todos os asistentes, un espazo distendido para compartir impresións e fomentar o encontro entre profesionais.
¡Reserva a data e acompáñanos!