Categorías:
Etiquetas:
Na mañá do 8 de maio de 2025, celebramos a primeira das dúas xornadas formativas en liña organizadas para abordar o cálculo correcto das bases reguladoras da incapacidade temporal, con especial atención aos recentes cambios normativos.
O evento foi inaugurado por José María Santiago García, coordinador de formación do Colexio Oficial de Graduados Sociais da Coruña e Ourense. En representación da mutua FREMAP participaron Carlos Llanos Santos, director rexional en Galicia, e Belén Estévez Costas, directora na Coruña, quen ademais desempeñou o papel de moderadora da sesión.
Gorka Burzaco Mota e Noemí López Llavería, xestores e formadores en FREMAP, foron os encargados do relatorio, ofrecendo unha exposición práctica sobre os erros máis comúns no cálculo de bases, especialmente en contratos a tempo parcial, cambios de xornada e conceptos salariais non periódicos. A xornada foi un éxito, reunindo a numerosos profesionais do ámbito laboral e da seguridade social de toda España, interesados en actualizar os seus coñecementos.
