Categorías:
Etiquetas:
O venres 7 de marzo de 2025, con motivo do Día Internacional da Muller e dentro do marco das actividades conmemorativas do centenario da profesión, o Consello Xeral de Graduados Sociais e o Consello Galego de Colexios Oficiais de Graduados Sociais organizaron unha xornada no Parador de Santiago de Compostela. O evento reuniu a numerosos graduados e graduadas sociais dos Colexios da Coruña-Ourense, Pontevedra e Lugo, consolidando un espazo de reflexión sobre a igualdade nas relacións laborais e a perspectiva de xénero neste ámbito.
O acto foi inaugurado por Joaquín Merchán Bermejo, presidente do Consello Xeral de Graduados Sociais, xunto a Pablo Fernández López, secretario Xeral de Emprego e Relacións Laborais da Xunta de Galicia, e #Luis Fernando de Castro Mejuto, presidente da Sala do social do Tribunal Superior de Xustiza de Galicia. Durante a xornada, expertos e expertas en dereito laboral e social abordaron temas clave como os avances e retrocesos nos dereitos ao redor da igualdade nas relacións laborais, o papel dos graduados sociais na integración da perspectiva de xénero e o seu impacto na xurisprudencia.
Entre os relatores destacados atopábanse a profesora María Bastida Domínguez (USC), o catedrático Jaime Cabeza Pereiro (Universidade de Vigo), e os xuristas de renome Teresa Conde-Pumpido Tourón e José Fernando Lousada Arochena. Tamén participaron como relatores os presidentes dos Colexios de Alacante, José Crespo Pérez, e de Aragón, Noé Fau Guinda, xunto con Alicia Guerrero Sánchez, membro do Colexio de Málaga e Melilla. Ademais, a xornada incluíu un innovador xogo interactivo Kahoot, no que se abordaron temas sobre igualdade nas relacións laborais e os Obxectivos de Desenvolvemento Sostible (ODS), e contou coa participación de colexiadas dos tres colexios galegos.
O evento contou coa presenza e o respaldo dos presidentes dos Colexios organizadores: José Lage Cerviño (A Coruña-Ourense), Raúl Eugenio Gómez Villaverde (Pontevedra) e Manuel Núñez Carreira (Lugo), quen ademais preside o Consello Galego de Colexios Oficiais de Graduados Sociais.
[slide]
[/slide]
A Clausura do congreso correu a cargo de Antía Sández Callejo, presidenta do Consello Galego de Relacións Laborais, xunto a Manuel Núñez Carreira. Durante o peche, proxectouse un emotivo vídeo homenaxe ás Graduadas Sociais, destacando a súa contribución histórica á profesión e á igualdade no ámbito laboral.
O evento, que tamén foi seguido de maneira telemática por numerosos graduados e graduadas sociais, reafirmou o compromiso da profesión coa equidade de xénero e o papel fundamental dos graduados sociais na defensa dos dereitos laborais en España.
A Xunta de Galicia fíxose eco da celebración deste congreso, reflectindo a importancia da xornada na promoción da igualdade laboral en Galicia. [Ligazón á noticia da Xunta de Galicia]
[slide]
[/slide]