Categorías:
Na tarde do 5 de febreiro, o Colexio Oficial de Graduados Sociais da Coruña e Ourense, en colaboración coa Administración de Xustiza de Ourense e a Axencia para a Modernización Tecnolóxica de Galicia (AMTEGA), celebrou unha xornada formativa en formato webinar sobre o Expediente Xudicial Electrónico (EXE) e a súa aplicación en sede xudicial.
Expertos da área de Administración Dixital da Xunta e da Administración de Xustiza ofreceron formación especializada e resolveron dúbidas frecuentes. Tratáronse aspectos clave como o acceso a documentos desde o VISOR, a compartición de arquivos, a descarga de vistas e gravacións, e a xestión de incidencias.
Esta xornada permitiu aos Graduados Sociais mellorar o seu coñecemento e manexo do EXE, optimizando o seu desempeño no ámbito xudicial dixital.
