O venres 14 de xuño pola mañá, José Lage Cerviño e Celestino Vieites Sánchez, Presidente e Secretario do Colexio Oficial de Graduados Sociais da Coruña e Ourense respectivamente, realizaron unha visita á sede do Colexio Oficial de Administradores de Fincas de Galicia na Coruña, onde foron recibidos pola súa Presidenta, Teresa Suárez Agrasar.
Durante a reunión, que foi cordial e frutífera, discutíronse diversas liñas de alianzas en distintas materias e servizos. Destacouse o interese compartido por fortalecer a colaboración interinstitucional en beneficio dos profesionais aos que ambos os colexios serven.
