Etiquetas:
EO 27 de setembro, asináronse na sede do Colexio, dous novos convenios de colaboración con Bilky Europe SL e con Conversia HFL Group.
A colaboración con Bilky Europe SL, permitirá aos colexiados beneficiarse de numerosas vantaxes nos servizos de envío seguro, legal e sinxelo de nóminas e documentos entre asesores, empresas e empregados baixo o cumprimento do Regulamento Xeral de Protección de Datos. Unha prestación deseñada para que os asesores teñan o seu propio portal desde o que dar asistencia a todas as súas empresas e empregados.
Asinan o convenio, a nosa Presidenta, Dª Susana Soneira Lema e en representación de Bilky, D. Ignacio Hernández Sellart, Administrador Único de Bilky Europe SL.
[slide][/slide]
En canto ao acordo de colaboración con Conversia HFL Group, os nosos colexiados beneficiaranse dos servizos de consultoría e asesoría, en temas relacionados coa Lei de Protección de Datos, Servizos da Sociedade da Información e Comercio electrónico ou Prevención de Branqueo de Capitais e Financiamento do Terrorismo. A compañía ademais ofrecerá ao Colexio unha xornada formativa sobre o novo Regulamento de Protección de Datos 2016/679 e remitirá aos colexiados un boletín periódico con contido relacionado con diferentes aspectos do ámbito normativo.
Asina o convenio, D. César Muñiz Fabal, Xerente de Convenios de Conversia HFL Group e a nosa Presidenta, Dª Susana Soneira Lema, que en ambas as firmas, estivo acompañada por varios membros da Xunta de Goberno:
- D. Alejandro Pérez Otero, Vicepresidente 1º do Colexio.
- D. Manuel Vázquez Regueira, Secretario Xeral do Colexio
- D. Jesús Vázquez Conde, Vicesecretario Xeral do Colexio.
- D. Cándido Sanisidro López, Vocal Ejerciente do Colexio.
Os textos íntegros dos convenios, pódense consultar no apartado de Acordos e Convenios da web.
[slide][/slide]