Categorías:
Na tarde do mércores 4 de xuño, celebramos a xornada formativa titulada “A relación laboral tras unha incapacidade permanente: extinción ou adaptación?”. A apertura contou coa participación de José Lage Cerviño, presidente do Colexio Oficial de Graduados Sociais da Coruña e Ourense, e José Ignacio Díaz Lucas, director territorial Norte de FRATERNIDADE-MUPRESPA, ademais da moderación habitual do noso coordinador de formación, José María Santiago García.
O relatorio correu a cargo de Ana Lorenzo Cárdenes, avogada e coordinadora xurídica especializada en Seguridade Social e Prevención de Riscos de FRATERNIDADE-MUPRESPA. A sesión, celebrada en formato híbrido (presencial e en liña en directo), permitiu aos máis de 250 asistentes profundar nos importantes cambios lexislativos introducidos pola Lei 2/2025, do 29 de abril, en materia de incapacidade laboral.
Durante a xornada, Ana Lorenzo explicou como esta lei elimina a extinción automática do contrato de traballo tras a declaración de certos graos de incapacidade permanente, garantindo a non discriminación por discapacidade. A normativa condiciona a extinción contractual á vontade do traballador e á posibilidade de adaptar ou recolocar ao empregado nun posto compatible coa súa nova situación.
Desde o Colexio agradecemos a numerosa participación e compromiso de todos os participantes, cuxo apoio motívanos a seguir impulsando unha oferta formativa rigorosa, actualizada e de máxima calidade.
A repercusión do evento tamén foi destacada por medios como [21Noticias] e [AcoruñaXa], que se fixeron eco desta exitosa iniciativa formativa.
[slide]
[/slide]