Categorías:
Do 23 ao 27 de outubro, a Fundación Escola Universitaria de Relacións Laborais da Coruña foi sede do LXIV Congreso AERELABO, organizado pola Delegación de Estudantes en colaboración co Decanato, o Colexio Oficial de Graduados Sociais da Coruña e Ourense, e a Asociación de Estudantes de Relacións Laborais de España (AERELABO).
O Congreso reuniu a destacados expertos en Relacións Laborais e Recursos Humanos, así como a entidades de relevancia como o Consello Xeral de Colexios de Graduados Sociais de España, ARELCIT e a Secretaría Xeral de Emprego e Relacións Laborais da Xunta de Galicia, ofrecendo un programa de relatorios de alto nivel no sector.
O venres 25 de outubro, José María Santiago García, Vogal Exercente da nosa Corporación, impartiu o relatorio “A figura do Graduado Social e as súas saídas profesionais”, achegando unha visión detallada sobre as oportunidades de desenvolvemento nesta profesión. O acto de clausura, contou coa participación de Noelia Tomé Martínez, Vicepresidenta 2ª do Colexio Oficial de Graduados Sociais da Coruña e Ourense, quen acompañou a autoridades académicas como Jesús Vázquez Forno, Decano da ERLAC; Alejandro Díaz Moreno, Decano da Universidade de Sevilla e Presidente de ARELCIT; Samuel Cortiñas Alba, actual Presidente de AERELABO; e Pablo Alarcón Agulló, Presidente saínte da Asociación.
¡Felicidades a todos os estudantes polo seu compromiso e ao comité organizador polo éxito deste Congreso!
[slide]
[/slide]