Etiquetas:
O día 9 de decembro, de acordo co Convenio de Colaboración asinado entre esta Corporación e a Facultade de Ciencias do Traballo de Ferrol, fíxose entrega do premio ao mellor expediente académico.
O galardón recaeu na alumna Lorena Santiago Rodríguez e consiste en facilitarlle a colexiación en calidade de No Exercente, con exención do pagamento da cota de incorporación, así como das cotas mensuais durante o período dun ano.
O acto estivo presidido polo Decano da Facultade de Ciencias do Traballo de Ferrol, D. Moisés Alberto García Núñez, e por Dª. Susana Soneira Lema, Presidenta deste Colexio, que con este motivo fixo unha breve disertación sobre as saídas profesionais dos Graduados Sociais e as vantaxes da colexiación.