Categorías:
Etiquetas:
[slide]
[/slide]
O Colexio de Graduados Sociais da Coruña e Ourense este ano felicita o nadal a todos os seus colexiados, empresas e administracións públicas, co debuxo dunha nena de 8 anos, gañadora da VI Edición do Concurso de Debuxo Infantil que organiza anualmente a entidade. Como cada ano, os Graduados Sociais apostan pola creatividade e o talento infantil para felicitar as festas.
Nesta ocasión a vencedora do certame, dirixido a fillos e netos de colexiados con menos dez anos, foi Aldara Varela Calvo, que ademais foi galardoada durante a entrega de premios celebrada na tarde do día 22 de decembro, na sede do Colexio Oficial. O resto dos participantes tamén foron agasallados con diferentes obsequios destinados a potenciar e desenvolver a súa expresión plástica e artística.
Por outro lado, foron os propios colexiados os que exerceron de xurado. A Presidenta do Colexio, Dª. Susana Soneira Lema, foi a encargada de entregar os premios.