Categorías:
Etiquetas:
O día 15 de xullo tivo lugar na sede do Tribunal Superior de Xustiza de Galicia o acto de toma de posesión de Ignacio Picatoste Sueiras, como presidente do Tribunal Superior de Xustiza de Galicia.
O acto, presidido por Isabel Perelló, presidenta do Tribunal Supremo e do Consello Xeral do Poder Xudicial, reuniu a numerosas autoridades civís e militares, entre elas o presidente da Xunta de Galicia, Alfonso Rueda; o delegado do Goberno en Galicia, Pedro Blanco; o presidente da Deputación da Coruña, Valentín González Formoso; e o fiscal superior de Galicia, Fernando Suanzes. Tamén estiveron presentes os presidentes dos Colexios Profesionais de Avogados, Procuradores e Graduados Sociais, entre eles José Lage Cerviño, presidente do Colexio Oficial de Graduados Sociais da Coruña e Ourense.
Tras o xuramento do cargo, o novo presidente Ignacio Picatoste, pronunciou un emotivo discurso no que non faltaron palabras de afecto e agradecemento a José María Gómez y Díaz-Castroverde, Miguel Ángel Cadenas e Jesús Souto, sen esquecer tampouco á súa esposa. Queremos resaltar o compromiso que manifestou de continuar colaborando cos Colexios Profesionais, así como asumir os retos da reforma xudicial e continuar coa loita contra a violencia de xénero. Agradecemento, deber e responsabilidade serán premisas fundamentais do seu mandato.
[slide]
[/slide]