Etiquetas:
O Colexio Oficial de Graduados Sociais da Coruña e Ourense renovou o seu convenio de colaboración co Grupo LAE, nun acto celebrado na mañá deste 21 de setembro nas instalacións da sede colexial. A firma contou coa participación do noso presidente, José Lage Cerviño, e, por parte do Grupo LAE, de Mapi Baez, Consultora da zona norte de Galicia, e Joaquín Barreiro, Consultor da zona sur de Galicia.
A renovación do acordo permitirá aos nosos colexiados acceder a servizos e solucións en materia de cumprimento normativo, consultoría e formación, así como a diferentes ferramentas de utilidade para os seus despachos e clientes, relacionadas con protección de datos, prevención do branqueo de capitais e do acoso laboral, certificados dixitais, notificacións electrónicas, rexistro horario e rexistro salarial.
Con esta renovación, seguimos ampliando a nosa rede de Empresas Colaboradoras e facilitando aos nosos colexiados o acceso a servizos de interese para o desenvolvemento da súa actividade profesional.
