Categorías:
O venres 6 de febreiro de 2026, o presidente do Colexio Oficial de Graduados Sociais da Coruña e Ourense, José Lage Cerviño, asistiu ao acto de xura ou promesa da 74.ª Promoción da Carreira Xudicial, celebrado na sede do Tribunal Superior de Xustiza de Galicia (TSXG), en representación do colectivo dos graduados sociais.
O acto contou coa presenza de destacadas autoridades do ámbito xudicial e institucional, entre elas o presidente do TSXG, Ignacio Picatoste Sueiras, a delegada da Xunta na Coruña, Belén do Campo, e o director xeral de Xustiza, José Tronchoni, así como representantes de distintos colexios profesionais.
Durante a cerimonia púxose en valor o compromiso, a responsabilidade e a vocación de servizo público dos novos xuíces e xuízas que se incorporan ao servizo da Administración de Xustiza en Galicia, nun contexto marcado por importantes retos organizativos, tecnolóxicos e normativos.
