Categorías:
Na tarde do luns, 24 de novembro de 2025, tivo lugar na sede académica da Real Academia Galega de Xurisprudencia e Lexislación (RAGJYL), na Coruña, a Solemne Sesión Pública de Apertura do Curso Académico 2025-2026.
Atendendo á invitación da institución, o Colexio Oficial de Graduados Sociais da Coruña e Ourense estivo representado polo seu vicesecretario, Juan Martínez García. A sesión, presidida por José Luis Seoane Spiegelberg, presidente da RAGJYL, incluíu a lectura resumida da memoria do curso anterior, a cargo do secretario xeral, Miguel Ángel Pérez Álvarez.
A lección inaugural, titulada “Intelixencia Artificial e Operadores Xurídicos: un reto que é necesario enfrontar”, foi impartida por Milagros Otero Parga, doutora en Dereito pola Universidade de Santiago de Compostela, quen reflexionou sobre as implicacións éticas e xurídicas do avance da intelixencia artificial. Durante a súa intervención, destacou que “as máquinas, aínda as máis perfectas, non son suxeitos de deberes nin dereitos nin poden exercitar a responsabilidade”.
Con este acto quedou oficialmente inaugurado o Curso Académico 2025-2026 da Real Academia Galega de Xurisprudencia e Lexislación.
[slide]
[/slide]