Categorías:
Durante os días 17, 18 e 19 de febreiro, o Colexio de Graduados Sociais da Coruña e Ourense celebrou unhas xornadas formativas dedicadas ao Sistema REDE, reunindo a un gran número de profesionais do sector nun formato híbrido que permitiu a participación tanto presencial como en liña.
O evento, presentado e moderado por José María Santiago García, coordinador de Formación do Colexio, contou cos relatorios de Francisca Fidalgo Logchies (Paqui), xefa de Sección da Unidade Sistema REDE da TGSS da Coruña.
Estas xornadas prácticas, organizadas para reforzar o coñecemento do Sistema REDE, permitiron aos asistentes resolver dúbidas e mellorar o uso desta ferramenta clave no seu labor diario.
